| | | |
| Genre |
Ego-Shooter (Horror)
id Software
www.doom3.de
biber`
|
Perseinlechen Rating |
| Entweckelt an Released vun |
9 vun 10 |
| Links |
| Reviewed by |
Screenshots |
| Story |
Du sprengs an d'Roll vun engem Marine, deen am Fuerschungslabo
vun der UCI um Mars am Joer 2145 schafft. Den Labo gett vun engem Dr. Betruger, deen der schon vun Ufank un drolech
virkennt, geleet. Waerends de dech op d'Sich no engem verschwonnenen Wessenschaftler mess, brecht am Labo den Horror aus:
d'Zougangstor vun der Hell gett vum Dr. Betruger opgemach an du bass vun Dämonen,
Zombien an all meiglechem aus der Hell emrengt. Du muss dech also duerch dei enk
Gäng vum Labo kämpfen mat der Gewessheet dass an all Eck en Zombie dech erwarden kann...
Deng Aufgab ass et also d'Tor vun der Hell erem ze schleissen an ze iwerliewen... |
|
| Kommentar |
Amfong ass Doom 3 an eischter Ligne en Remake vun Doom 1,
spillt awa net wei an Doom 1 um Marsmound Phobos mee um Mars selwer. Am Ufank erschrecks de nawell zimlech
oft wann e beemol en Zombie hannert der steet oder en Imp dech usprengt... D'Grafik ass immens uspriechend,
zumols well et greisstendeels zimlech donkel ass an dofir vill Effekter meiglech sinn. Also net
Erschrecken wann e beemol den ganzen Raum sech roud fierwt an dech Kreatueren dei direkt aus der Hell
eropbeschwuer gin sin dech ufaalen :).
Eigentlech muss een och nach soen dass Doom 3 eischter op Horror aus ass wei aner
Ego-Shooteren, wou et oft nemmen em d'Ofknallen geet. D'Spill ass am Generellen zimlech
einfach, well d'Geigner allerhechstens zu 10-15 optrieden an ausser d'Zombie Zaldoten,
keen eenzegen Geigner Deckung sicht. Du treppels greisstendeels am Spill, nemmen eng Keier kennt en flotten
Trajet mam Monorail fir, wous de d'Aussengrafik kanns bewonneren.
No 2/3 vum Spill wous de dech duerch eng Gäng gekämpft hues kennt dann och (endlech)
bessen Ofwiesslung dran fier, well et erwarden dech drei Endgeigner an en klengen Trip
duerch d'Hell selwer. Waerend dem Spill trieden dann no an no emmer mei stark Geigner op.
Am Ufank fängt et mat einfachen Zombien un, deis de nach mat der Pistoul aus der Distanz kills,
waerend dann mei speit och Chainsaw Zombies (Zombien mat enger Motorsee), Tick's (sou eng Art Spannen)
oder Pinkys dra fier kommen. D'Waffenarsenal ass eischter mettelmeisseg, wann d'Geigner mei stark ginn
dann fenns de och besser Waffen, mee et feelt z.B. en Flammenwerfer. Bei villen Waffen gett och d'Munitiun
zimlech schnell knapp.
Ganz witzeg sinn kleng Easter Eggs dei am ganzen Spill verdeelt sinn ;).
|
| Main Päfferkär |
Kritikpunkten:
Annescht wei z.B. an Far Cry hun hei d'Geigner baal keng KI, wat leider e bessen traureg ass. 99% vun den Geigner
kommen einfach op dech zou an du brauchs nemmen nach dropzeballeren. Nemmen d'Zombie Zaldoten (Marines dei an Zombien
verwandelt gin sin) sichen heiansdo Deckung an dann kommen se do awa och an engem reegelmeissegen Rhythmus raus, sou dass
de schon am Viraus wees weini genaus de scheissen muss. Och ass net immens vill Ofwieslung am Spill, du ballers dech
duerch enk Metallgäng an den Alpha Labs bis dass dann herno an den Delta Labs dei enk Gäng e bessen anneschters ausgesinn...
Mei interessant gett et dann reicht zum Schluss wanns de an der Hell bass, dat ass awa leider keen allze groussen Deel.
Fazit:
ID huet alles aus der Grafikengine rausgehol wat meiglech ass, an deem entspriechend geseit och d'Spill aus. Fir eng perfekt
Grafik geneissen ze kennen ass allerdengs eng High-End Grafikkart à la Radeon X800 oder Nvidia Geforce 6800 (mat Praiser ab
400 Euro)neideg. Den Sound ass schlicht an ergraifend phenomenal, besonneg wann een eng heichwerteg 5:1 Anlag doheem stoen huet!
D'Spill spillt sech am beschten zimlech speit Owes, also wann et donkel ass, an dono ass och en klengen Trip mat der Täschelucht
bis op d'Toilette zimlech flott ;) Zousätzlech Spannungsmomenter sinn och dran, well et ginn Deeler dei sinn komplett donkel
an du kanns nemmen entweder d'Täschenlucht oder deng Waff an der Hand droen. Fir leit mat starken Nerven dei naischt geint en
Horrortrip vun ongefeier 20 Stonnen hun, an natierlech fir Doom Fans ass d'Zouleen vum Spill en absoluten Muss, fir annerer waer
eischter Unreal Tournament empfielenswert.
|
|
| Doom 3Muss een hun32 (44.44%)Gudd15 (20.83%)Wann een soss naischt ze din huet10 (13.89%)Schlecht3 ( 4.17%)Suen net wärt12 (16.67%) |
|
| |
| | | | | | | Leschten Update vum Noxy [02/01/2005 @ 03:12:25] | |  | | | | | | |
|
|
| |
| |
